Allar kökur þarf að panta með a.m.k. tveggja daga fyrirvara (virkir dagar). Stundum höfum við tök á að baka köku ef fyrirvarinn er styttri, þá er best að hafa samband.

Ef um er að ræða stórar sérpantaðar kökur með flóknum skreytingum, t.d. brúðkaupstertur, þarf a.m.k. tveggja vikna fyrirvara.

 

Stærðir og sérpantanir

Við bökum kökur fyrir öll tilefni. Hér að ofan eru okkar hefðbundnu stærðir, en við bökum einnig stærri kökur á mörgum hæðum, eftir óskum hvers viðskiptavinar, t.d. brúðkaupstertur eða fermingartertur. Hafið samband ef þið hafið áhuga á að panta stærri kökur. Athugið að stærðirnar á kökunum miða við hefðbundnar stærðir á sneiðum. Ef kökurnar verða á veisluborði með ýmsum öðrum veitingum er gott að miða við að kakan dugi fyrir fleiri þar sem þá tekur fólk oft minni sneiðar.

 

Skreytingar

Allar okkar kökur eru bakaðar eftir pöntun úr úrvalshráefnum. Kökurnar koma fallega skreyttar í einföldum stíl. Við tökum einnig á móti séróskum varðandi skreytingar, áletrun á köku og lit á kremi. Athugið að auka kostnaður getur fallið til þegar um flóknar séróskir er að ræða, en það er eitthvað sem þarf að ræða í hverju tilfelli fyrir sig og verðið er alltaf ákveðið fyrirfram í samráði við hvern viðskiptavin. Einfaldar séróskir og áletrun sem ekki taka mikinn auka tíma eru innifaldar í uppgefnu verði.

 

Brúðkaupstertusmakk

Við bjóðum brúðhjónum að koma til okkar í brúðkauptertusmakk.

Innifalið er 4-6 mismunandi kökusneiðar, tvö freyðivínsglös eða kaffi, og ráðgjöf varðandi val á brúðkaupstertu sé þess óskað.

Hafið samband til þess að bóka.

 

Verð 10.000 kr. (Upphæðin gildir upp í pöntun á köku ef pöntuð er kaka sem kostar meira en 50.000 kr.)